Град памерам з мяч для пінг-понга, вада на пероне ў метро - Францыю накрыў магутны шторм

Моцны шторм абрынуўся на Францыю. Стыхія з праліўным дажджом і магутнымі парывамі ветрe, якія дасягалі 90 кіламетраў за гадзіну, парушыла звыклае жыццё рэгіёна Іль-дэ-Франс. Шторм паралізаваў сувязь.

Відавочцы пішуць аб градзінах памерам з мяч для пінг-понга. На відэа з раёна Манмартр відаць, як падчас такога граду на прыпаркаваных аўтамабілях і скутарах спрацоўваюць сігналізацыі. Некалькі аўтамабіляў атрымалі пашкоджанні.

Парушана работа некалькіх ліній метро. Вада ручаямі цякла па прыступках і залівала пероны. З-за затаплення некаторых станцый частка цягнікоў не спынялася. У рэгіёне аб'яўлены жоўты ўзровень штармавога папярэджання з рызыкай далейшых моцных ападкаў.