Краіны БРІКС будуць падтрымліваць узаемадзеянне па ўкраінскім пытанні

Краіны БРІКС дамовіліся падтрымліваць узаемадзеянне па ўкраінскім пытанні. 8 верасня ў фармаце відэаканферэнцыі адбыўся нечарговы саміт. Анлайн-перамовы доўжыліся паўтары гадзіны.

Прэзідэнт Бразіліі Луіс Інасіу Лула да Сілва падкрэсліў неабходнасць пошуку "рэалістычнага рашэння" для канфлікту ва Украіне, якое павінна ўлічваць законныя інтарэсы ўсіх бакоў, а таксама заклікаў палажыць канец ваенным дзеянням на палесцінскіх тэрыторыях.

Старшыня КНР Сі Цзіньпін звярнуў увагу на рост выклікаў сусветнай эканомікі і наступствы аднабаковых дзеянняў краін. Бакі абмеркавалі актывізацыю эканамічнага партнёрства ў адказ на пошліны і санкцыі ЗША.