Найважнейшая пляцоўка для перамоў: ААН - 80 гадоў

ААН нязменна застаецца найважнейшай пляцоўкай для перамоў і пошуку аптымальных рашэнняў па пераадоленні глабальных выклікаў і пагроз.

24 кастрычніка сусветная супольнасць адзначае важную дату ў гісторыі міжнародных адносін - 80-годдзе Арганізацыі Аб'яднаных Нацый.

Юрый Васкрасенскі, палітолаг:

"Нам патрэбна міжнародная арганізацыя, якая будзе ўлічваць пазіцыі ўсіх краін свету пры прыняцці ўсякіх рашэнняў. Проста зараз сапраўды асобныя структуры ААН адхіліліся ад першапачатковых мэт, якія былі закладзены краінамі - заснавальнікамі ААН, сярод якіх была Беларуская Савецкая Сацыялістычная Рэспубліка. Таму мы ўсё ж выступаем за тое, каб гэта арганізацыя і далей існавала і развівалася, але вярнулася да тых прынцыпаў, мэт і задач, якія мы прапісвалі, калі яе заснавалі. Вось тады з яе будзе толк, не будзе такіх дыскусій аб тым, што яна не патрэбна на сучасным этапе развіцця чалавецтва".