24 кастрычніка адбудзецца матч мінскага "Дынама" і "Шанхайскіх драконаў"

Сталічнае "Дынама" пасля невялікага выязнога турнэ вяртаецца на "Мінск-Арэну" матчам супраць "Шанхайскіх драконаў".

Амаль два тыдні назад калектывы двойчы сустракаліся ў Санкт-Пецярбургу і абодва разы перамога была на баку "драконаў".

Ці змогуць падапечныя Дзмітрыя Квартальнага ўзяць рэванш? Даведаемся з прамой трансляцыі на тэлеканале "Беларусь 5". Стартавае ўкіданне пачнецца ў 19:10.

Адзначым, "зубры" ідуць на пятай пазіцыі Заходняй канферэнцыі. Сапернік размясціўся на радок вышэй. У калектываў 21 і 22 ачкі адпаведна.