Венгрыя і Славакія заблакіравалі 18-ы пакет санкцый супраць Расіі

Венгрыя і Славакія заблакіравалі прыняцце Еўрасаюзам 18-га пакета антырасійскіх санкцый. Ён прадугледжваў абмежаванні на экспарт расійскай нафты, у тым ліку на танкерны флот, які ў транспарціроўцы прымае ўдзел.

Акрамя таго, ЕС планаваў канчаткова забараніць эксплуатацыю ў будучыні "Паўночных патокаў". Самай актыўнай у прыняцці 18-га пакета была Літва. Кіраўнік МЗС гэтай краіны заявіў, што без новага пакета будзе цяжка ставіць Маскве ўльтыматумы.

Венгрыя і Славакія лічаць, што застацца без расійскай нафты для іх раўнацэнна катастрофе, а таму маюць намер блакіраваць 18-ы пакет і далей.