ЗША не падтрымалі заяву аб голадзе ў Газе

ЗША адзінымі з усіх 15 членаў Савета Бяспекі ААН не падтрымалі заяву аб голадзе ў Газе. Намеснік пастаяннага прадстаўніка Славеніі пры арганізацыі адзначыла - члены савета, якія далучыліся да заявы, заклікаюць Ізраіль зняць абмежаванні на пастаўкі гуманітарнай дапамогі ў Газу і спыніць аперацыю па захопе горада. Таксама члены Савета Бяспекі, за выключэннем ЗША, заклікалі да спынення агню ў Газе і вызвалення заложнікаў.

Канфлікт на Блізкім Усходзе набывае новыя рысы эскалацыі. Сірыйскія тэлеканалы паведамляюць аб высадцы ізраільскага дэсанта ў раёне Эль-Кісва на захадзе Дамаска. ЦАХАЛ нанёс як мінімум дзевяць авіяўдараў па вайсковых аб'ектах. Інфармацыя аб шкодзе не прыводзіцца. Раней Ізраіль атакаваў энергетычныя аб'екты ў еменскай сталіцы Сане.