"Калядны баль" у Чэрвені аб'яднаў таленавітых і паспяховых вучняў раёна

Пад гукі вальса і паланэза. Калядны баль у Чэрвені аб'яднаў самых таленавітых і адораных вучняў раёна. У музычна-танцавальнае падарожжа па часе запрасілі тых, хто праявіў найлепшыя здольнасці ў вучобе, спорце і творчасці. Падрыхтоўка была таксама грунтоўная - удзельнікі балю адточвалі пастаноўкі танцаў, выбіралі касцюмы, стваралі дэкарацыі.

Прыгожая музыка з класічнымі танцамі, паэзіяй і тэатральнымі эцюдамі. На святочным паркеце - дзясяткі бліскучых пар - вучні, педагогі, запрошаныя госці - спачатку закружыліся ў вальсе, а затым танцавалі галоп, паланэз і падэграс, бранль і кадрылю.

Таленавітых, адораных і школьнікаў аб'яднаў "Калядны баль" у Чэрвені. Пляцоўкай для ўрачыстасці стала СШ № 4. Усе ўдзельнікі пагрузіліся на адзін дзень у атмасферу казкі і чараўніцтва.

Вобразы ўсіх удзельнікаў балю быццам сышлі са старонак кніжных раманаў мінулых стагоддзяў.

У каляднай праграме - салонныя гульні і забавы. Таксама госці даведаліся пра мову веераў, паслухалі рамансы і вывучылі новыя танцавальныя рухі.