Планшэтная выстава, фотаздымки, лінагравюры - афіша выхаднога дня прапануе маршруты для натхнення

"У гонар Радзімы, у імя Перамогі" - планшэтная выстава ў галерэі "Універсітэт культуры". Гэта прысвячэнне 80-годдзю перамогі ў Вялікай Айчыннай вайне. Лінагравюры і графіка.

Пагаварыць з эстэтамі на мове мастацтва запрашае галерэя Леаніда Шчамялёва. А паназіраць за гісторыяй беларускай архітэктуры праз прызму фотатворчасці можна ў галоўнай бібліятэцы краіны.

Ён вяшчае пра патрыятызм і любоў да роднага краю праз фотамастацтва. Пры ўдзеле Анатоля Дрыбаса выпушчана больш за 50 кніг пра любімую Беларусь. У яго скарбонцы 40 фотавыставак. І гэтая не выключэнне.

Экспазіцыя з лірычнай назвай "Краіна маёй мары" размясцілася ў галерэі "Панарама" на 22 паверсе галоўнай бібліятэкі краіны. Аўтар з фотаапаратам у руках аб'ездзіў усю Беларусь, захаваў на здымках яе змяненні, рост і прыгажосць. Жывапісных куткоў у Беларусі не злічыць.

У Год добраўпарадкавання важна адзначыць для сябе, як мяняюцца і становяцца ўтульнымі і атмасфернымі гарады і архітэктурныя помнікі Беларусі.

Свет створаны з ломкіх ліній, а вобразы вытканыя з тонкіх нітак. Менавіта так хочацца апісаць графіку Сяргея Баленка. Яго афорты зусім не малюнак канкрэтных прадметаў. Гэта, хутчэй, уражанні і адчуванні, якія прынялі розныя формы, гэтыя вобразы адлюстраваны ў работах мастака.

Галерэя мастацтваў Леаніда Шчамялёва выстаўляе амаль 60 графічных работ, дзе ёсць і лінагравюры. Сярод іх нямала даволі лаканічных кампазіцый. Сам аўтар перакананы, што звонкая пустэча часам больш выразная за самыя яркія ўвасабленні.

Гэтыя нестандартныя творы не могуць пакінуць абыякавым гледача. Бо гэта замалёўкі не выдуманыя, яны заснаваны на рэальных архітэктурных аб'ектах.

Дзякуючы подзвігу нашых дзядоў і прадзедаў у нас ёсць шанц на светлую будучыню. Пра гэта нам нагадвае і выстава ў мастацкай галерэі "Універсітэт культуры".

Дакументы, фатаграфіі і ўспаміны ўдзельнікаў падзей ваенных гадоў. Усё гэта ў планшэтнай выставе "У гонар Радзімы, у імя Перамогі".

Гісторыя праекта пачалася у Расіі, у Тамбоўскай вобласці, іх универсітет і стаіць ля вытокаў выставы. Тут 4 блокі: 1 - фатаграфіі культурных дзеячаў Беларусі, 2 - архіўныя матэрыялы беларускіх партызан і падпольшчыкаў, 3 - здымкі мемарыялаў нашай краіны.

Сёння праект набывае новыя формы не толькі ў Беларусі, але і ва Узбекістане, і Абхазіі.

Перамяшчаемся на суседнюю арт-лакацыю галерэі. Да прагляду жывапісныя творы пераможцаў III Міжнароднага адкрытага фестывалю - выставы дзіцячай выяўленчай творчасці "Свет, у якім я жыву".

Цікава, што ўпершыню ў 2023 г. праект аб'яднаў творчасць дзяцей не толькі з нашага краю. Зараз на выставе можна ўбачыць работы вучняў школ мастацтваў з Расіі.

А з новага сезона яшчэ і папаўненне сярод удзельнікаў - фарбаў у праект дадаў і Кітай.