У Мінск з Вялікага Ноўгарада прывезлі рэпрадукцыі ікон XIII-XVI стагоддзяў

12 жніўня ў Мінскай гарадской ратушы адкрылася ўнікальная экспазіцыя "Нямая пропаведзь". Да прагляду прапанавана 12 рэпрадукцый ікон, прывезеных з Расіі.

Гэта калекцыя шэдэўраў старажытнарускага жывапісу аднаго са збораў Наўгародскага музея-запаведніка. Працы выкананы ў натуральную велічыню на драўлянай аснове ў тэхніцы друку па ляўкасе. Такі спосаб дазваляе максімальна дакладна перадаць прыгажосць і духоўную сілу арыгіналаў, якія ніколі не пакідаюць сцены музея.

За 10 гадоў рэпрадукцыі пабывалі ў дзясятках гарадоў Расіі і Еўропы. Зараз экспазіцыя адпраўляецца ў падарожжа па Беларусі. Да 7 верасня выстава знаходзіцца ў Мінску. Наступным прыпынкам стане Полацак.