У Мінску адкрылася экспазіцыя фотанарысаў, прысвечаная 80-годдзю Вялікай Перамогі

У Мінскім абласным цэнтры народнай творчасці адкрылася экспазіцыя, якая распавядае пра жыццё жанчын, што засталіся ў адзіноцтве пасля Вялікай Айчыннай вайны.

У экспазіцыі - фотанарысы Анатоля Дудкина з цыкла "Нарачанскія ўдовы", які ён здымаў у 1980-х гадах. Сюды ўвайшлі больш як 30 фатаграфій розных гадоў з цыклаў "Зямля і людзі", "Старыя". Выстава прысвечана 80-годдзю Вялікай Перамогі і 90-годдзю самога аўтара.

Са спадчынай Анатоля Дудкіна можна азнаёміцца да 3 сакавіка. Затым выстава наведае ўсе абласныя гарады краіны, а ўлетку возьме ўдзел у Міжнародным фестывалі "Фота-крок" у Віцебску.