72 мінчанкі сталі пераможцамі гарадскога этапа рэспубліканскага конкурсу "Жанчына года - 2024"

Гэтымі днямі ва ўсіх кутках краіны гучаць самыя цёплыя словы ў адрас жанчын. У Мінску напярэдадні свята ўшаноўвалі тых, хто ўдастоіўся ганаровага тытула "Жанчына года - 2024".

Ініцыятарам правядзення гарадскога этапа рэспубліканскага конкурсу з'яўляецца грамадскае аб'яднанне "Беларускі саюз жанчын". У Мінску прайшла ўрачыстая цырымонія, дзе назвалі імёны 72 жыхарак сталіцы, якія сталі пераможцамі гарадскога этапа 17-га рэспубліканскага конкурсу "Жанчына года - 2024".

Кожная з іх уносіць свой уклад не толькі ў захаванне сямейнага ачагу, але і ў развіццё роднага горада, а, значыць, і любімай Беларусі. Імёны лепшых мінчанак назвалі ў такіх намінацыях, як "Паспяховы кіраўнік", "Віват, моладзь", "Актыўная грамадзянская пазіцыя", "Матчына слава", "Не старэюць душой ветэраны".