Расказваем пра тарыфы роўмінгу, якія пачалі дзейнічаць з 1 сакавіка на тэрыторыі Саюзнай дзяржавы

Камфортны тарыф роўмінгу пачаў дзейнічаць на тэрыторыі Саюзнай дзяржавы, паведамляе БЕЛТА.

Рэзалюцыя аб стварэнні камфортных тарыфаў для карыстання паслугамі сувязі і перадачы даных на тэрыторыі Саюзнай дзяржавы (адмене роўмінгу) была прынятая на пасяджэнні Вышэйшага дзяржаўнага савета Саюзнай дзяржавы ў Мінску 6 снежня 2024 года.

Камфортны тарыф роўмінгу прадугледжвае 150 хвілін на ўваходныя званкі, 150 хвілін на выходныя і 5 ГБ інтэрнэту пры ўмове, што тарыфны план іх уключае.

Калі ў абанента ёсць бясплатныя хвіліны для званкоў у іншыя сеткі, то 150 з іх могуць выкарыстоўвацца ў роўмінгу на выходныя выклікі. Калі бясплатныя хвіліны на выходныя выклікі скончыліся, то ідзе тарыфікацыя па 22-27 беларускіх капеек за хвіліну (кошт залежыць ад аператара).

Кошт уваходных званкоў у роўмінгу (звыш належных бясплатных 150 хвілін) - 11 капеек за хвіліну. 5 ГБ мабільнага інтэрнэт-трафіку на льготных умовах будуць каштаваць 4 бел. рублі за 1 ГБ.

Аб магчымасці падключэння тарыфу аператары будуць інфармаваць абанента пры перасячэнні мяжы. Па словах міністра сувязі і інфарматызацыі Канстанціна Шульгана, важна памятаць, што хвіліны даюцца ў рамках таго тарыфнага плана, які ёсць у абанентаў, - гэта абмежаванне. "Гэта значыць калі ў абанента няма хвілін, умоўна кажучы, ва ўсе сеткі, то і ў роўмінгу іх не будзе", - падкрэсліў ён.