Сергеенка: Людзі сёння навучыліся шанаваць тое, што маюць

Беларусы шануюць тое, што зроблена для іх дабрабыту. На гэтым акцэнтаваў увагу старшыня Палаты прадстаўнікоў Нацыянальнага сходу Беларусі Ігар Сергеенка падчас наведвання выбарчых участкаў у Віцебску.

Ён адзначыў, што заканадаўства дазваляе народным выбраннікам, не ўмешваючыся ў працэс, назіраць за арганізацыяй выбараў. На поўначы Беларусі працуюць 672 участкі, дзе арганізаваны гандаль, а таксама культурная праграма з канцэртамі, выставамі, кінапаказамі.

Ігар Сергеенка таксама адзначыў вялікую інфармацыйную працу, праробленую напярэдадні выбараў. Гэта сустрэчы ў працоўных калектывах, круглыя сталы, дыялогавыя пляцоўкі, якія шмат у чым згуртавалі людзей.