У Брэсце адкрыюць унікальны арт-аб'ект - гіганцкі "гузік"

Маштабна, відовішчна, разнастайна: Брэст адзначае 81-ю гадавіну вызвалення ад нямецка-фашысцкіх захопнікаў і 1006-годдзе. Сёння праходзяць асноўныя мерапрыемствы.

Пачаліся яны з міжнароднага парада аркестраў. Каля 300 музыкантаў з Беларусі і Расіі прайшліся па галоўнай вуліцы Брэста да плошчы Леніна, дзе адбылося афіцыйнае адкрыццё грандыёзнага святкавання Дня горада "Бярэсце-2025". Адзначым, што гэты абласны цэнтр дынамічна развіваецца і па выніках мінулага года занесены на Рэспубліканскую дошку пашаны.

Таксама ў праграме Дня - розныя спаборніцтвы, выступленне мотакаскадзёраў, адкрыццё арт-аб'екта - "гузіка ліхтаршчыка", выставы, баль, канцэрты, фініш "Марша Перамогі", модны паказ, а яшчэ ў Брэста сёння з'явіліся 2 новыя пабрацімы - Уладзівасток і Серталава.