У Мінск прыбыў другі састаў электрацягніка з Расіі

У Мінск з Падмаскоўя прыбыў ужо другі цягнік для трэцяй (Зеленалужскай) лініі падземкі. Зараз спецыялісты з Расіі праводзяць пуска-наладачныя работы ў дэпо.

А ноччу і днём новы электратранспарт аб’езджваюць у метрапалітэне. Вагоны не шумныя і са скразнымі праходамі.  Акрамя таго, у іх ёсць два рэжымы клімат-кантролю - у залежнасці ад пасажырапатоку. А кандыцыянаванне дапоўнена функцыяй абеззаражвання паветра.

У новых расійскіх цягніках усё створана для максімальна камфортных і бяспечных паездак. Для машыністаў - аптымальна прадуманы пульт кіравання.

"Саставы прасторныя, у іх скразны праход, цёплыя поручні. Зручная навігацыя, прычым, падчас руху цягніка бачныя хуткасць, тэмпература, час. У новым інтэрфейсе зроблена экстранная сувязь "пасажыр - машыніст", - расказаў афіцыйны прадстаўнік Мінскага метрапалітэна Андрэй Дроб.

Усяго, згодна з кантрактам, у беларускую сталіцу расійскае прадпрыемства "Метровагонмаш" паставіць 28 вагонаў, з якіх сфарміруюць 7 саставаў. Яны будуць працаваць на трэцяй лініі мінскага метро, якое, дарэчы, хутка папоўніцца некалькімі станцыямі і электрадэпо.