У Мінску ў найбліжэйшыя гады з'явіцца некалькі новых тэхнапаркаў

Месца, дзе сканцэнтраваны інтэлект і інавацыйныя тэхналогіі дзеля выпуску карыснай у эканоміцы прадукцыі. У Мінску ў найбліжэйшыя гады з'явіцца некалькі новых тэхнапаркаў.

Пакуль жа сярод прамысловых кластараў тон задае Мінскі гарадскі тэхнапарк і яго найноўшая пляцоўка на Партызанскім праспекце. Сярод рэзідэнтаў і кампанія, якая выпускае спецтэхніку для навядзення чысціні і парадку ў гарадах. Машыны прадпрыемства "Доля" праводзяць літаральна "гігіену" падземных камунікацый такіх мегаполісаў, як Мінск. Гэта спецыяльныя тэхналогіі для прамывання калектараў і ліўнёвак.

Ужо ў верасні мінчан чакае сюрпрыз ад сталічнага тэхнапарка. Да дня горада вытворчая лакацыя на Партызанскім праспекце адкрые на сваёй тэрыторыі для гараджан грамадскую прастору з магазінамі, кафэ і сэрвісамі.