Якія праграмы па ахове здароўя ў Саюзнай дзяржаве паспяхова рэалізуюцца

Прадстаўнікі парламентаў Беларусі і Расіі абмеркавалі ў Мінску тэму медабслугоўвання ў Саюзнай дзяржаве. Размова ішла аб выкананні мерапрыемстваў летась і пра падрыхтоўку новых ініцыятыў на 2025 год.

Так, Саюзная дзяржава прадоўжыць праграмы рэабілітацыі жыхароў чарнобыльскіх раёнаў, санаторна-курортнае лячэнне ветэранаў і інвалідаў Вялікай Айчыннай вайны і баявых дзеянняў. Будзе прадоўжана і лячэнне грамадзян з выкарыстаннем перадавой тэхналогіі пратоннай тэрапіі.

Са студзеня рэалізуецца адна з новых праграм "Саюз-Біямембраны". Яна прадугледжвае распрацоўку фармакалагічна актыўных злучэнняў, тэхналогій і метадаў для тэрапіі анкалагічных, аўтаімунных, сардэчна-сасудзістых, інфекцыйных і нейрадэгенератыўных захворванняў.

Акрамя таго, працягваецца распрацоўка найноўшых эндапратэзаў для пацыентаў з цяжкімі траўмамі і захворваннямі плечавога сустава. Ёсць і шэраг іншых праграм, якія на тэрыторыі Саюзнай дзяржавы ўжо паспяхова рэалізуюцца.