Хакеісты "Дынама-Мінск" згуляюць з "Поўначсталлю" 29 верасня

Хакейнае сталічнае "Дынама" вяртаецца на "Мінск-Арэну". "Зубры" стартуюць у трохматчавай хатняй серыі. І першы сапернік - "Поўначсталь".

У цяперашнім розыгрышы дружыны ўжо перасякаліся, і таксама на лёдзе ў Мінску. Тады перамогу святкавалі бела-сінія - 3:1.

Ці атрымаецца ў хлопцаў Дзмітрыя Квартальнага замацаваць поспех, даведаемся з прамой трансляцыі на тэлеканале "Беларусь 5". Стартавае ўкіданне ўжо ў 17:10.

Адзначым, што "Дынама-Мінск" на дадзены момант ідзе на шостым радку Заходняй канферэнцыі.