Арына Сабаленка прабілася ў паўфінал турніру WTA-1000 у Мадрыдзе

Беларуская тэнісістка Арына Сабаленка прабілася ў паўфінал турніру WTA-1000 Mutua Madrid Open з прызавым фондам 7,8 млн еўра, паведамляе БЕЛТА.

У заключным паядынку чвэрцьфінальнай стадыі першая ракетка планеты сустракалася з украінкай Мартай Касцюк, якая займае 36-е месца ў сусветным рэйтынгу, і выйграла на двух тай-брэйках - 7:6 (7:4), 7:6 (9:7). Матч доўжыўся 2 гадзіны 32 хвіліны. У паўфінале саперніцай беларускі будзе яшчэ адна ўкраінская тэнісістка Эліна Світоліна (17-ты нумар рэйтынгу WTA). Да гэтага Сабаленка перамагла расійскую тэнісістку Ганну Блінкову (76) - 6:3, 6:4, бельгійку Элізэ Мертэнс (28) - 3:6, 6:2, 6:1 і амерыканку Пейтан Стэрнс (44) - 6:2, 6:4. У 2021 і 2023 гадах Арына Сабаленка станавілася чэмпіёнкай гэтых спаборніцтваў, а год назад саступіла ў вырашальным матчы польскай тэнісістцы Ізе Свёнтак. У другім паўфінале цяперашняга турніру Свёнтак будзе сапернічаць з амерыканкай Коры Гаўф.

У паўфінале парнага разраду беларуска Вікторыя Азаранка і амерыканка Эшлін Кругер сустрэнуцца з бельгійска-расійскім тандэмам Элізэ Мертэнс / Вераніка Кудэрметава.

Цяперашні турнір у іспанскай сталіцы завершыцца 4 мая, яго пераможніца заробіць 985 тыс. еўра і 1000 рэйтынгавых ачкоў.