Арына Сабаленка прайграла Міры Андрэевай у фінале турніру ў Індыян-Уэлсе

Выдалі ўзрушаючы па эмоцыях матч, але паядынак склаўся не на карысць першай ракеткі свету. Арына Сабаленка ўступіла ў фінале тысячніка ў Індыян-Уэлсе 17-гадовай Міры Андрэевай.

Першая партыя засталася за беларускай, але ў другой расіянка сходу ўзяла ініцыятыву ў свае рукі і не дазволіла саперніцы яе перахапіць. Практычна па аналагічным сцэнарыі складаўся і вырашальны, трэці, сэт. 2:6, 6:4, 6:3 - перамога Андрэевай.

Далей Сабаленка згуляе на турніры ў Маямі, дзе першы круг прапускае. У асноўнай сетцы і яшчэ адна беларуска - Вікторыя Азаранка. Яна на старце сустрэнецца з Ангелінай Калінінай.