Беларуская тэнісістка Сасновіч выйшла ў асноўную сетку турніру WTA-1000 у Мадрыдзе

Беларуская тэнісістка Аляксандра Сасновіч (110-ты нумар сусветнага рэйтынгу) прайшла ў асноўную сетку турніру WTA-1000 Mutua Madrid Open. Агульны прызавы фонд спаборніцтва - 7,8 млн еўра, паведамляе БЕЛТА.

22 красавіка ў паядынку другога раўнда кваліфікацыі беларуска сустракалася з амерыканкай Тайрай Кацярынай Грант (356) і перамагла ў дзвюх партыях  - 6:1, 7:5. 21 урасавіка ў стартавым кваліфікацыйным матчы Аляксандра Сасновіч упэўнена перайграла шведку Мір'ям Б'ерклунд  (549) - 6:3, 6:1.  

Без удзелу ў кваліфікацыі на грунтавых кортах іспанскай сталіцы згуляюць дзве прадстаўніцы Беларусі. У 1/64 фіналу Вікторыя Азаранка (48) сустрэнецца з сербскай тэнісісткай Вольгай Данілавіч (34). Першая ракетка планеты Арына Сабаленка пачне выступленне з другога раўнда. У 2021 і 2023 гадах на станавілася чэмпіёнкай гэтых спаборніцтваў, а год таму ўступіла ў вырашальным матчы польскай тэнісістцы Ізе Свёнтак.

Гэты мадрыдскі турнір завершыцца 4 мая, яго пераможца атрымае 985 тыс. еўра і 1000 рэйтынгавых ачкоў.