Беларускі лыжнік Раман Свірыдэнка заваяваў золата на Паралімпіядзе ў Італіі

Беларускі лыжнік Раман Свірыдэнка выйграў золата Паралімпіяды! У фінале ў спрынце класічным стылем у мужчын на дыстанцыі 900 метраў наш зямляк паказаў час 2 хвіліны 35 секунд, апярэдзіўшы немца Себасцьяна Марбургера на 2,7 секунды.

Гэта першы медаль для беларускіх паралімпійцаў у Італіі. Нагадаем, нашы землякі ў Італіі выступаюць з дзяржаўнай сімволікай - чакаем цырымонію ўзнагароджання і наш гімн!