Чэмпіянат Беларусі па эндура праходзіць пад Ваўкавыскам

Амаль паўтысячы эндурыстаў з Беларусі і Расіі адкрылі чэмпіянат краіны Four seasons вясновым этапам, які праходзіць у Ваўкавыскім раёне.

Спаборніцтвы прафесіяналаў і аматараў на "беларускіх Мальдывах" - у крэйдавых кар'ерах - арганізуюцца трэці год запар, і колькасць не толькі ўдзельнікаў, але і балельшчыкаў расце.

Як гавораць самі экстрэмалы, спрацоўвае сарафаннае радыё - аб прыгажосці гэтага месца і яркіх спаборніцтвах актыўна распавядаюць у сацсетках, чым робяць добрую рэкламу.

Адкрыўся вясновы этап пралогам, удзел прынялі 4 класы: Profi, Electro, Master і B3. У параўнанні з мінулымі гадамі арганізатары павялічылі маршрут і ўскладнілі трасу.

Самае цікавае чакае балельшчыкаў 25 і 26 красавіка, бо да заездаў далучацца лэдзі і спартсмены з самага шматлікага класа - Open Hobby. Пераможцы этапу вызначацца ў нядзелю.