Хакейная каманда Прэзідэнта выйграла пяты матч у сезоне Рэспубліканскай хакейнай лігі

Хакейная каманда Прэзідэнта выйграла пяты матч у сезоне Рэспубліканскай хакейнай лігі. Сёння на лёдзе "Алімпік-Арэны" ў Мінску дружына кіраўніка дзяржавы абгуляла каманду Мінскай вобласці з лікам 3:2.

Да сустрэчы дзве каманды падышлі з максімальным вынікам, выйграўшы па чатыры матчы. Яны сустракаліся і ў фінальнай серыі мінулага сезона, і таму гэты паядынак прынцыповы. Каманды паказалі баявую гульню са складанымі камбінацыямі, агрэсіўнымі кідкамі і хуткім "лёдам". Лік быў адкрыты, калі пасля перадач Мікалая Лукашэнкі і Арцёма Каркоцкага шайбу ў вароты гасцей адправіў Аляксей Ефіменка.

У заключнай дваццаціхвілінцы хакеістам сталічнага рэгіёна прыйшлося вельмі цяжка - у іх былі выдалены адразу два гульцы, але яны на працягу чатырох хвілін здолелі выстаяць пад націскам сапернікаў. Аднак каманда кіраўніка дзяржавы ўсё ж змагла вырваць перамогу ледзь менш, чым за 3 хвіліны да фінальнай сірэны.

Пераможцы паводле традыцыі падзякавалі сваім фанатам, падтрымка на "Алімпік-Арэне" была больш чым годнай. Наступная сустрэча ў каманды Прэзідэнта адбудзецца ўжо 22 лютага, каманда выйдзе на лёд супраць дружыны Магілёўскай вобласці.

І яшчэ адзін кранальны момант. Прэзідэнт падчас гульні падарыў клюшку аднаму з балельшчыкаў. Уладзіслаў Кудраўцаў клюшкі і джэрсі калекцыянуе. Гаворыць, не чакаў такой увагі.