Мінскае "Дынама" згуляе з "Тарпеда" за месца ў плэй-оф Заходняй канферэнцыі

Мінскае "Дынама" 13 лістапада прыме ніжагародскае "Тарпеда". Гэтай сустрэчай "зубры" заканчваюць чарговую хатнюю серыю рэгулярнага чэмпіянату КХЛ.

Пасля паражэння ад "Віцязя" на "Мінск-Арэне" ў дзвюх наступных сустрэчах "Дынама" атрымала перамогі - па булітах над "Салаватам Юлаевым" і ў асноўны час над "Поўначсталлю".

У турнірнай табліцы ў бела-сініх 27 балаў і восьмы радок. Што датычыцца "Тарпеда", то каманда Ігара Ларыёнава на дзве пазіцыі вышэй, але госці згулялі на два матчы больш. У актыве ніжагародцаў 29 балаў. Інтрыгу паядынку дадае і той факт, што ў складзе "Тарпеда" выступае шмат беларускіх легіянераў.

Сустрэча "Дынама" і "Тарпеда" пачнецца на "Мінск-Арэне" ў 19:10. Прамую трансляцыю традыцыйна прапануе "Беларусь 5".