Сабаленка выйшла ў 1/16 фіналу турніру Australian Open

Арына Сабаленка выйшла ў трэці круг першага ў сезоне турніру Вялікага шлема Australian Open.

Першая ракетка свету ў двух сэтах з лікам 6:3, 7:5 перамагла 54-ю ў сусветным рэйтынгу Джэсіку Бусас Манейра.

У другой партыі Сабаленка адыгралася з лікам 2:5. На выхад у трэці круг нашай тэнісістцы спатрэбілася крыху больш за паўтары гадзіны. Перамога для Арыны стала 16-й запар на Australian Open.