Шэпель: Палітычныя інтрыгі паўплывалі на колькасць беларускіх атлетаў на Паралімпійскіх гульнях

Беларускіх паралімпійцаў у Парыжы было б больш, калі б не палітыка. Такую заяву зрабіў старшыня Паралімпійскага камітэта Беларусі Алег Шэпель у інтэрв'ю тэлеканалу "Першы інфармацыйны".

"Паехаць туды было складана, таму што ўсе гэтыя палітычныя інтрыгі ў Міжнародным паралімпійскім камітэце паўплывалі на сітуацыю", - заўважыў ён, гаворачы пра Паралімпійскія гульні ў Парыжы.

Алег Шэпель:

"Дзякуючы таму што мы выйгралі суд трыбуналу Міжнароднага паралімпійскага камітэта, нас аднавілі на час. Паміж выключэннем і аднаўленнем у нас быў час, каб правесці Адкрыты чэмпіянат Беларусі, які ўвайшоў у рэестр міжнародных спаборніцтваў, дзе разыгрываліся ліцэнзіі. Пашанцавала, што плыўцы выступілі менавіта ў гэты час і атрымалі ліцэнзіі. На жаль, у іншых відах спорту, дзе мы прэтэндавалі на медалі, не хапіла стартаў".