У рэгулярным чэмпіянаце КХЛ сталічнае "Дынама" рыхтуецца прыняць ЦСКА

"Зубры" або "армейцы": хто стане мацнейшым  гэтым разам?! У рэгулярным чэмпіянаце КХЛ сталічнае "Дынама" на родным лёдзе рыхтуецца ў гэты аўторак прымаць ЦСКА.

Каляндар сезона пабудаваны такім чынам, што гэта сустрэча для бела-сініх стане другой за два дні. Але ў фізічнай форме нашых хлопцаў не прыходзіцца сумнявацца. Так, на стыку снежня і студзеня хлопцы Дзмітрыя Квартальнава набралі выдатны ход.

За 9 матчаў першынства дынамаўцы пацярпелі ўсяго дзве няўдачы, і то адну ў авертайме. Безумоўна, гэта знайшло адлюстраванне ў турнірнай табліцы Заходняй канферэнцыі. "Мінчане" замацаваліся ў зоне плэй-оф зводнага пратакола. У актыве 51 бал. Што датычыцца апанента, то "масквічы" - адны з фаварытаў чэмпіянату. У "армейцаў" на 6 пунктаў больш.

І яшчэ цікавы факт, які застаецца на боку "Дынама". У бягучым сезоне КХЛ дружыны перасякаліся. У сярэдзіне кастрычніка таксама на "Мінск-Арэне" "зубры" былі мацнейшымі ў авертайме - 5:4. Ці будзе новая бітва такой жа дзейснай? Адказ даведаемся з прамой трансляцыі на тэлеканале "Беларусь 5". Стартавае ўкіданне ў 17:10.