2 і 6 мая пройдуць рэпетыцыі парада ў Мінску - рух па некаторых вуліцах часткова перакрыюць

Беларусь рыхтуецца адзначыць 80-годдзе Перамогі. 9 мая ў сталіцы пройдзе парад.

Ідуць генеральныя рэпетыцыі. Чарговыя - 2 і 6 мая - у 22:00. Праезд калон ваеннай тэхнікі пачнецца з 17:00. У сталіцы часткова перакрыюць галоўныя праспекты.

На знешнім кальцы МКАД будзе абмежаваны рух на з'ездзе на Незалежнасці ў бок праспекта Пераможцаў. Перакрыюць вуліцы: Рагачоўскую, Заснавальнікаў, Старынаўскую і Ціміразева. А таксама праспекты Незалежнасці, Пераможцаў і Машэрава.

У парадзе прымуць удзел больш за 4 тыс. чалавек ад усіх ваенных ведамстваў і структур Беларусі. Будзе прадстаўлена звыш 220 адзінак баявой тэхнікі і каля 30 адзінак авіяцыйнай. Больш чым 200 ветэранаў Вялікай Айчыннай прымуць удзел у парадзе 9 Мая ў Мінску.