81 год з дня вызвалення Мазыра і Калінкавіч. Як гэта было

Мужнасць і самаахвярнасць беларускага народа. Роўна 81 год таму Мазыр і Калінкавічы былі вызвалены ад нямецка-фашысцкіх захопнікаў. Подзвіг герояў-вызваліцеляў назаўжды застанецца ў нацыянальнай памяці.

У студзені  1944-га савецкае камандаванне правяло адну з найважнейшых наступальных аперацый вызвалення пры ўдзеле стралковых, кавалерыйскіх, артылерыйскіх і інжынерных часцей, а таксама партызанскіх атрадаў. Ужо праз 14 дзён пасля пачатку новага года войскі Беларускага фронту ўзялі штурмам галоўныя апорныя пункты варожай абароны - Калінкавічы і Мазыр. Іх вызваленне далося дарагой цаной.

За гады Вялікай Айчыннай заводы, школы, бібліятэкі Мазыра былі знішчаны цалкам. Горад быў разбураны. З 18 тысяч жыхароў засталося менш як 5 тысяч. Але ўжо праз два тыдні быў здзейснены новы подзвіг: пачалі працаваць электрастанцыя, пякарні і водаправод, адкрыліся школы і дзіцячы дом.