Аперэта з сусветным імем вярнулася ў новым прачытанні

"Марыца" кампазітара Імрэ Кальмана зноў у Беларускім дзяржаўным акадэмічным музычным тэатры. Аперэта вярнулася ў новым чытанні. За свежае дыханне шэдэўра ў Мінску ўзяўся народны артыст Расіі, прафесар, саліст Марыінскага тэатра Юрый Лапцеў. Нацыянальны каларыт раскрыюць традыцыйныя танцы, чардаш у выкананні харэаграфічнай трупы. Рамантычныя венгерска-цыганскія матывы дапоўняць і дырыжорскія знаходкі. 29 мая вечарам - прэм'ера.

Гісторыю са шчаслівым канцом падрыхтавалі пад закрыццё тэатральнага сезона. Са спектакля пачнецца ўжо новы віток пасля летняга адпачынку.