БЧ прызначыла больш за 120 дадатковых рэйсаў на красавіцкія і майскія святы

Беларуская чыгунка напярэдадні свят прызначае звыш 120 дадатковых цягнікоў як у міжрэгіянальных, так і ў міжнародных зносінах. Наперадзе ў беларусаў доўгія выхадныя: з 27 па 29 красавіка, а таксама з 9 па 11 мая.

Напярэдадні працяглых красавіцкіх і майскіх выхадных, калі многія беларусы плануюць падарожжы, Беларуская чыгунка клапоціцца пра павышэнне якасці абслугоўвання і камфорт пасажыраў. У сувязі з чаканым павелічэннем пасажырапатоку прызначаны 120 дадатковых цягнікоў.

З іх 72 будуць курсіраваць па тэрыторыі Беларусі па маршрутах, якія звязваюць Мінск з абласнымі цэнтрамі, а таксама Оршай, Крычавам, Пінскам і іншымі папулярнымі кірункамі. У міжнародных зносінах сумесна з РЧ прызначаны 48 цягнікоў. Дадатковыя саставы звяжуць Мінск і Брэст з Масквой, а таксама забяспечаць зносіны паміж сталіцай Беларусі і Санкт-Пецярбургам.

З падрабязнай інфармацыяй аб прызначаных дадатковых цягніках і часе іх адпраўлення можна азнаёміцца на сайце Беларускай чыгункі, у мабільным дадатку "БЧ.Мой цягнік" і па тэлефоне 105 кантакт-цэнтра. Так што, беларусы, складайце маршруты для новых падарожжаў, атрымлівайце асалоду ад цудоўнага, нават гарачага надвор'я і адпраўляйцеся на адпачынак.