Больш за 20 аўтобусаў ад ААТ "Брэстмаш" перададзена ўстановам адукацыі Беларусі

Больш за 20 аўтобусаў перадало прадпрыемства ААТ "Брэстмаш" установам адукацыі Беларусі. 13 з іх разлічаны на 17 пасадачных месцаў. Яны адправіліся ў Гродзенскі рэгіён. Яшчэ 9 (з пад'ёмнікамі для інвалідаў) - на Віцебшчыну, Магілёўшчыну, а таксама ў Мінск.

Усе аўтобусы адпавядаюць сучасным патрабаванням перавозак і заменяць састарэлы транспарт. Школьныя аўтобусы ў Брэсце выпускаюць ужо каля трох гадоў па заказе Міністэрства адукацыі. Адзначым, што гэта партыя выраблена датэрмінова. У жніўні будзе яшчэ адна - таксама звыш 20 адзінак. Праграма на 2025 год будзе выканана ў поўным аб'ёме.

Іван Ганчыц, дырэктар ААТ "Брэстмаш":

"Гэта так званыя школьныя аўтобусы "12 + 4 + 1", гэта значыць туды змяшчаецца 12 дзяцей, 4 суправаджалых і 1 вадзіцель. Усе выдатна разумеюць, што гэта ўсё робіцца для дзяцей. У першую чаргу для іх бяспекі. У аўтобусе ёсць спецыялізаваныя сядзенні з чатырма пунктамі мацавання, а таксама абмежаванне хуткасці - не больш за 60 км/г. Усе патрабаванні выкананы. Збіраемся і далей пашыраць лінейку, павялічваць колькасць месцаў".

Начальнік аддзела Міністэрства адукацыі Беларусі Аляксандр Бачкоўскі адзначыў, што тэхніка паказала сябе з самага лепшага боку. Дзяржаўнай праграмай на 2025-2030 гады прадугледжана масавае абнаўленне транспартных сродкаў падвозу дзяцей.

Усяго брэсцкае прадпрыемства вырабіла ўжо парадку 150 школьных аўтобусаў.