У Беларусі і Расіі стартаваў продаж адзіных полісаў аўтастрахавання

У Беларусі і Расіі стартаваў продаж адзіных полісаў абавязковага страхавання аўтаграмадзянскай адказнасці. Гэта дадатковая сістэма страхавання.

Выгадна афармляць дагавор тым, хто любіць падарожнічаць, і асабліва гэта датычыцца тых, хто часта ездзіць у рамках Саюзнай дзяржавы на асабістым транспарце. Пры гэтым "Сіняя карта" застанецца, яе таксама можна будзе афармляць для паездак з адной краіны ў другую. Розніца з саюзным аўтастрахаваннем у тым, што яно дзейнічае і ў Беларусі, і ў Расіі, а вось "Сіняя карта" - толькі ў суседняй краіне.

Раіса Александровіч, начальнік упраўлення Беларускага бюро па транспартным страхаванні:

"Дагавор саюзнага страхавання ў Рэспубліцы Беларусь можна заключыць на тэрмін ад 15 дзён да 1 года. Зключыўшы такі дагавор, страхавальнік можа не заключаць дагавор унутранага страхавання, які дзейнічае на тэрыторыі Рэспублікі Беларусь, і дагавор міжнароднага страхавання для выезду ў Расійскую Федэрацыю. Ім дасаткова будзе заключыць дагавор саюзнага страхавання".

Што датычыцца тарыфаў на адзіны поліс, то тут усё залежыць ад стажу ваджэння, аб'ёму рухавіка аўто і іншых фактараў.