ДАІ ў Мінску кантралюе выкананне ПДР пры выкарыстанні сродкаў персанальнай мабільнасці

Супрацоўнікі міліцыі ў Мінску кантралююць выкананне правіл дарожнага руху, у тым ліку змяненняў, якія ўступілі ў сілу 1 верасня.

Зараз вадзіцелі веласіпедаў і сродкаў персанальнай мабільнасці, такіх як электрасамакаты, абавязаны спешвацца пры перасячэнні праезнай часці. Забаронены рух па тратуары, калі маса прылады больш як 35 кг.

Таксама ў ДАІ нагадалі, што па 5 верасня ў светлы час сутак вадзіцелі павінны перасоўвацца з уключаным блізкім святлом фар або дзённымі хадавымі агнямі.