ДАІ сочыць за парушальнікамі правілаў дарожнага руху з вышыні

Новы спосаб сачыць за парушальнікамі правілаў дарожнага руху. Гэтым разам - з вышыні. Дзяржаўтаінспекцыя Мінскай вобласці выкарыстоўвае квадракоптары для кантролю правілаў манеўравання, у першую чаргу абгону на вялікіх хуткасцях. Такі агрэсіўны стыль кіравання часта становіцца прычынай ДТЗ.

Кантроль за бяспекай на хуткасных магістралях з дапамогай квадракоптараў. Супрацоўнікі Дзяржаўтаінспекцыі Мінскай вобласці сочаць за трафікам на трасах з вышыні.

І каб паскорыць працэс сезоннай замены шын, ДАІ дзяжурыць на ажыўленых хуткасных магістралях. З вадзіцелямі праводзяць прафілактычныя размовы, бо на высокай хуткасці па трасе добрае счапленне з асфальтам асабліва важна.

Коптар са спецыяльнай камерай высокай якасці дазваляе знайсці парушальніка прама падчас руху, зафіксаваць яго хуткаць і сачыць за аўтамабілем на працягу 8 кіламетраў.

Кантроль у першую чаргу за выкананнем правілаў абгону на высокай хуткасці. Такія манеўры асабліва небяспечныя ва ўмовах дрэннай бачнасці і на слізкім пакрыцці. Яны і прыводзяць на сур'ёзных дарожна-транспартных здарэнняў.

З 1 снежня аўтаматары, згодна з правіламі, павінны выкарыстоўваць на транспартных сродках выключна зімовую гуму. Гэта таксама дапаможа пазбегнуць ДТЗ.

За парушэнні правілаў абгону можна атрымаць папярэджанне ці штраф, калі выпадак паўтараецца на працягу года. Акрамя таго, ДАІ рэкамендуе як мага хутчэй змяніць стыль кіравання на больш асцярожны – зімовы.