Дэпутаты прынялі законапраект - навацыі ўвядуць у дарожным руху

Навацыі ў дарожным руху. Дэпутаты ў другім чытанні прынялі законапраект. Змяненні ў першую чаргу датычацца кіравання колавым трактарам і самаходнай машынай.

Так, напрыклад, атрымаць катэгорыю F для кіравання машынай сельгаспрызначэння зараз можна ў 17, а не ў 18 гадоў, як было раней. Таксама павялічваецца максімальна дапушчальная магутнасць рухавіка для такой тэхнікі.

Галоўная мэта закона - павелічэнне кадравага патэнцыялу прадпрыемстваў галіны. Гэтыя навацыі дазволяць прыцягнуць маладых спецыялістаў ужо з другога курсу. Акрамя таго, для аператыўнай рэалізацыі навацый прапанавана скараціць тэрміны ўступлення ў сілу закону з шасці месяцаў да двух. Такім чынам, маладыя людзі змогуць унесці свой уклад ва ўборачню кампанію, і магчыма, ужо ў сёлетняй пасяўной.