ДПК Беларусі: уезду ў ЕС чакаюць 810 адзінак грузавога транспарту

Паводле звестак Дзяржпагранкамітэта Беларусі, 19 лютага па стане на 12:00 уезду ў ЕС чакаюць 810 адзінак грузавога транспарту.

За 24 гадзіны чарга транспарту перад адзіным даступным для фур польскім пунктам пропуску "Кукурыкі" (з беларускай боку гэта "Казловічы") вырасла з 70 да 270 адзінак. Польскія кантрольныя службы прынялі на сваю тэрыторыю толькі 50 % грузавікоў.

На мяжы з Літвой у "Каменным Логу" ў чаканні сваёй чаргі стаяць 370 вялікагрузаў. Гэта значыць Літва аформіла толькі 10 % транспарту ад нормы.

150 легкавых аўто чакаюць уезду ў Польшчу. Польскі бок за 24 гадзіны прыняў на сваю тэрыторыю 38 % легкавушак ад нормы.