Экскурсіі, квесты, выставы - якія забавы падрыхтаваў Мінск для школьнікаў на перыяд канікулаў

У Беларусі стартавалі вясновыя канікулы. Дзеці бавяць час у дзённых аздараўленчых лагерах на базе школ, наведваюць цэнтры дадатковай адукацыі. У планах экскурсіі, квесты і майстар-класы.

Час на канікулах школьнікі праводзяць не менш насычана, чым на ўроках. Так, у Палацы дзяцей і моладзі на гэтым тыдні пануе асаблівая атмасфера - тэатральная. Для ўдзельнікаў свята падрыхтавалі квест-гульню па акцёрскім майстэрстве, творчыя выступленні, фотазоны.

У Мінску на гэтым тыдні будуць працаваць 260 аздараўленчых лагераў на базе ўстаноў адукацыі з насычанай праграмай. Так, у 121-й школе ўхіл робяць на спартыўныя квізы і творчыя інтэрактывы. А яшчэ ў планах візіт у Дзіцячы тэхнапарк, Музей гісторыі Вялікай Айчыннай вайны, кінатэатр.

Квест-прыгоду, конкурс на веданне фаўны і экскурсію падрыхтаваў Мінскі заапарк. Нацыянальны дзіцячы тэхнапарк запрашае на віртуальную ваенную выставу, падарожжа ў экасвет правядзе Цэнтр экалогіі і краязнаўства.