Гарналыжнаму цэнтру "Сілічы" споўнілася 20 гадоў

Свой юбілей 29 студзеня святкуе Рэспубліканскі гарналыжны цэнтр "Сілічы". Роўна 20 гадоў таму Прэзідэнт Беларусі адкрыў гэты ўнікальны для нашай краіны спартыўны аб'ект за 30 км ад Мінска і асабіста тады пратэсціраваў трасу.

У канцы 1990-х нават уявіць было цяжка, што аднойчы наступіць час, калі беларусам не прыйдзецца ехаць у горы, каб адчуць усю прывабнасць гэтага актыўнага адпачынку, а горы самі прыйдуць да нас.

Важна і тое, што ў Сілічах прадстаўлены ўсе віды зімовага спорту: крыты каток, (падыходзіць для хакеістаў і фігурыстаў), ёсць цюбінг, дзіцячая гарналыжная і санкавая трасы і, вядома, асноўны спуск для прафесіяналаў.