Капсулу з зямлёй з роднай вёскі адважнага маёра Пятра Гаўрылава перадалі ў Брэсцкую крэпасць

Памяці адважнага маёра. Капсулу з зямлёй з роднай вёскі Пятра Гаўрылава перадалі ў Брэсцкую крэпасць. Рытуал прайшоў у сімвалічным месцы - каля памятнага знака ў гонар 29 чэрвеня 1941 года.

Менавіта тады абаронцы легендарнай цытадэлі прынялі рашэнне адхіліць ультыматум фашыстаў аб капітуляцыі і стаяць насмерць.

Гэта мерапрыемства - частка беларуска-расійскага праекта "Гаўрылаўская вахта". Прысвечаны ён 125-годдзю з дня нараджэння афіцэра. Нагадаем, Пётр Гаўрылаў кіраваў абаронай усходняга форта Брэсцкай крэпасці і быў удастоены звання Героя Савецкага Саюза.

Брэсцкія школьнікі прымуць удзел у стварэнні фільма пра П. Гаўрылава

У планах стварыць і дакументальны фільм. Да гэтага працэсу далучыліся таксама дзве брэсцкія школы: 23-я, якая носіць імя Пятра Гаўрылава, і 22-я, дзе дзейнічае піянерскі атрад яго імя.