Хрэнін назваў галоўны ўрок Вялікай Айчыннай вайны

Захаванне праўды аб Вялікай Айчыннай вайне і барацьба са скажэннем ролі Чырвонай арміі ў перамозе над фашызмам. У падмаскоўным парку Патрыёт праходзіць міжнародны антыфашысцкі кангрэс. Яго дэвіз: "Не фашызму! Адзінства дзеля міру".

Тое, што сёння многія краіны адзіныя ў меркаванні, што гісторыю Другой сусветнай нельга перапісаць, а праўду аб генацыдзе савецкага народа трэба ведаць, гаворыць колькасць дэлегацый, якія прыехалі на форум. А гэта больш за 40 дзяржаў.

Як адзначылі ўдзельнікі, сёння ў многіх еўрапейскіх краінах да ўлады прыйшлі ультранацыяналісты. У краінах Балтыі зносяць помнікі савецкім воінам, Савецкі Саюз называюць агрэсарам, а ролю Чырвонай арміі, якая вызваліла Еўропу ад фашызму, прыніжаюць. Прадстаўнікоў Расіі і Беларусі не запрасілі на 80-годдзе вызваленне канцлагера Аўшвіц, хоць 600 тыс. савецкіх салдат загінулі, вызваляючы Польшчу. Таму фальсіфікацыя гістарычных фактаў недапушчальная. Інакш усё можа паўтарыцца, як тое, што сёння адбываецца ва Украіне.

У рамках кангрэса адбылося адкрыццё выставы, дзе праз архіўныя дакументы і фатаграфіі расказана пра злачынствы нямецкіх захопнікаў і іх памагатых на тэрыторыях Прыбалтыйскіх краін, Беларусі, Украіны і іншых рэспублік, што ўваходзілі ў склад Савецкага Саюза.