Мінскаму трактарнаму заводу - 79 гадоў

29 мая Мінскі трактарны завод адзначае 79-годдзе. За сваю гісторыю МТЗ выпусціў больш чым 4 млн адзінак трактарнай тэхнікі і сёння ўваходзіць у лік вядучых сусветных вытворцаў. Завод быў заснаваны 29 мая 1946 года.

Пачалі з вытворчасці пускавых рухавікоў і гусенічных машын, а праз сем гадоў - трактароў на пнеўматычных шынах, якія вызначылі спецыялізацыю прадпрыемства. Сёння беларускія трактары выкарыстоўваюць не толькі аграрыі, але і будаўнікі, камунальныя і дарожныя службы.

Зараз на МТЗ выпускаюцца трактары для ўсіх кліматычных і эксплуатацыйных умоў. У цэлым трактары BELARUS працуюць у 125 краінах на пяці кантынентах. Лінейка тэхнікі ўключае 160 мадэляў і больш за 220 мадыфікацый.

Нягледзячы на складаную палітычную і эканамічную сітуацыю ў свеце, Мінскі трактарны завод працягвае вырабляць і прадаваць трактары, прычым больш за 90 % тэхнікі ідзе на экспарт. Ключавы рынак для МТЗ - Расія.