Мокры снег і дождж. Рэкамендацыі ДАІ, як не дапусціць аварый на дарогах Беларусі

ДАІ Беларусі будзе пільна сачыць за дарожнай сітуацыяй з-за снегападу. Мерапрыемствы, якія пройдуць да 5 снежня, накіраваныя на папярэджанне і прафілактыку аварый зімой.

У складаных умовах надвор'я вадзіцелям варта выбіраць найбольш бяспечную хуткасць, не дапускаць рэзкіх манеўраў. Таксама да канца месяца інспектары зробяць упор на гутаркі з вадзіцелямі аб неабходнасці сезоннай змены шын.

З 1 снежня ўладальнікаў аўтамабіляў на летніх покрыўках чакае штраф - 40 рублёў. У выпадку паўторнага парушэння - да 200 рублёў, нагадалі ў ДАІ.

Вельмі ўважлівымі трэба быць і пешаходам. З-за снегападу бачнасць на дарогах паніжана, а вадзіцелі не перайшлі на зімовы стыль кіравання.