Першамайскі і Ленінскі раёны, "Мінск Мір" - дзе ў сталіцы ўзвядуць новыя паліклінікі

Новую паліклініку ўзводзяць у Першамайскім раёне сталіцы. Разлічана ўстанова аховы здароўя будзе амаль на 1 тыс. наведванняў за змену.

Медыцынскі аб'ект змесціць у сабе кабінеты для лячэбных і прафілактычных працэдур, а таксама лабараторыю і дыягнастычны цэнтр. Увод у строй дапаможа разгрузіць 8-ю гарадскую паліклініку, размешчаную на вуліцы Нікіфарава, дзе зараз абслугоўваецца больш за 55 тыс. чалавек.

Шматпрофільную паліклініку працягваюць будаваць у Ленінскім раёне. У будучыні яна зможа прымаць паўтысячы чалавек за змену. Новых адкрыццяў чакаем і ў жылым комплексе "Мінск Мір". Там працягваюць узводзіць адразу дзве паліклінікі - дарослую і дзіцячую.