"Першы ровар - 2025" стартаваў у Лошыцкім парку і сабраў маленькіх аматараў веласпорту

Рэспубліканскія дзіцяча-юнацкія спаборніцтвы "Першы ровар" 26 красавіка запусцілі свой 4 сезон.

Старт маштабнаму велафестывалю быў дадзены ў Лошыцкім парку, куды з задавальненнем прыходзілі маленькія велааматары. Дзеці ад 6 да 12 гадоў змаглі паўдзельнічаць у масавых заездах, фігурным кіраванні і эстафеце.

Для зусім маленькіх гоншчыкаў (ад 2 да 5 гадоў) была падрыхтавана асобная траса для заездаў на бегавелах. "Першы ровар" стаў насамрэч сямейным фестывалем са сваімі традыцыямі.