"Забег цвярозасці": у Мінску на першую прабежку года выйшлі каля 1 тыс. чалавек

Хіба можа быць для прыхільнікаў здаровага ладу  жыцця нешта лепш, чым прабежка на 5 км 1 студзеня? У Мінску прайшоў "Забег цвярозасці". На дыстанцыю выйшлі каля 1 тыс. удзельнікаў. Летась было 600 чалавек.

На забег прыехалі з самых розных куткоў краіны - Салігорска, Смаргоні, Брэста, Гродна, Магілёва і многіх іншых гарадоў.

На фінішы не было тых, хто прайграў - усе пераможцы. Кожнаму дастаў медаль. Чарговы "Забег цвярозасці" ўвайшоў у гісторыю. Наступная сустрэча на дыстанцыі  аматараў здаровага ладу жыцця адбудзецца роўна праз год.