Прасачыць шлях да Вялікай Перамогі. Выстава пад адкрытым небам адкрылася Мінску

Уся краіна рыхтуецца адзначыць 80-годдзе Вялікай Перамогі: праходзяць тэматычныя сустрэчы і выставы.

Так, у сталічным парку імя Чалюскінцаў адкрылася экспазіцыя пад адкрытым небам "Вялікі поступ Перамогі". Яна ўключае больш як дзясятак фотапалотнаў беларускіх мастакоў. Працы ўзятыя з фондаў Нацыянальнага мастацкага музея, Беларускага музея гісторыі Вялікай Айчыннай вайны, Музея гісторыі горада Мінска і Беларускага саюза мастакоў. Сярод аўтараў ёсць удзельнікі і ветэраны вайны, што сімвалічна ў юбілей Вялікай Перамогі.

Выстава падзелена на 4 часткі, што дазволіць прасачыць шлях да Перамогі: ад першых дзён вайны да капітуляцыі фашысцкай Германіі. Рэпрадукцыі дапоўнены кароткімі анатацыямі.