Сімвал беларускага патрыятызму. 25 снежня спаўняецца 180 гадоў з дня нараджэння Дзеда Талаша

25 снежня спаўняецца 180 гадоў з дня нараджэння легендарнага беларускага партызана Васіля Талаша, больш вядомага як Дзед Талаш.

У 75 гадоў Васіль Ісакавіч стаў партызаніць падчас савецка-польскай вайны, узначаліўшы атрад з 300 чалавек. У пачатку Вялікай Айчыннай 97-гадовы Талаш спачатку быў арыштаваны немцамі, затым вызвалены. У 1942-м далучыўся да партызан і стаў самым пажылым удзельнікам вайны.

Подзвігі Дзеда Талаша апеў Якуб Колас у сваёй аповесці "Дрыгва". Пасля вызвалення Беларусі Васіль Ісакавіч Талаш вярнуўся на роднае Палессе, дзе пражыў да 102 гадоў.