Смалявічы ўзнагароджаны вымпелам "За мужнасць і стойкасць у гады Вялікай Айчыннай вайны"

У пачатку красавіка Прэзідэнт Беларусі падпісаў указ "Аб узнагароджанні вымпелам "За мужнасць і стойкасць у гады Вялікай Айчыннай вайны".

Вымпелам адзначаны шэсць беларускіх гарадоў, якія з'яўляюцца прыкладам подзвігу, праяўленага ў гады ваеннага ліхалецця. Сярод іх і Смалявічы.

Падчас Вялікай Айчыннай у Смалявіцкім раёне актыўна дзейнічалі ачагі супраціўлення нямецка-фашысцкім захопнікам. Тут ваявалі 4 партызанскія брыгады: "За Савецкую Беларусію", "Брыгада Дзядзькі Колі", "Смерць фашызму" і легендарная брыгада "Разгром". Агульная колькасць байцоў чатырох злучэнняў складала больш як 5 300 чалавек.

Подзвіг мірных жыхароў, доблесць салдат і адвага партызан увекавечаны ў сотні мемарыялаў толькі ў Смалявіцкім раёне.

Курган Славы - гэта сакральнае месца, сімвал нашай памяці аб бессмяротным подзвігу і народным супраціўленні.

Урачыстае ўручэнне вымпелаў "За мужнасць і стойкасць у гады Вялікай Айчыннай вайны" будзе прымеркавана да Дня Перамогі. На сённяшні дзень гэтага ганаровага знака ўдастоены 36 населеных пунктаў Беларусі.